Orationes
maximi oratoris Romani illustrissimae, quae pronuntiatu classico
recitantur a Nicolao Groß.
Cicero
ipse putavit coniuratione Catilinae patefactâ et eodem ex Urbe
fugato eiusque asseclis supplicio capitali affectis se de re
publicâ Romanâ meritissimum gloriâ perpetuâ
fore celebrandum.
De iis,
quae Cicero fecit rei publicae causâ, historici moderni licet
alii aliter iudicent: nemo autem dubitat, quin orationes Ciceronis in
Catilinam habitae sint splendidissimê compositae, eaedemque sint
orationes litteraturae Latinae omnium illustrissimae. Locutiones enim a
Cicerone ibidem adhibitae, quales sunt "Quo usque tandem" et "O
tempora, o mores" iam pridem sunt verba alata tamquam cimelia pretiosa
thesauro literaturae mundanae inclusa.
Editio
audibilis complectitur 4 discos (CIC.Cat. 1 - 4)
Discus alter: CIC.Cat. II
Alterâ oratione in Catilinam
habitâ (quam Cicero habuit d.8. m. Nov. a.63a.Chr.n. coram
populo) idem studet alios a timore coniuratorum liberare, aliis, qui a
Catilinariis instigati suspicentur consulem agere more tyranni, fidem
facere.
Primâ
in parte orator iis, qui optaverant, ut Catilina potius puniretur quam
ex urbe emitteretur, explicat, quare hac viâ usus sit: Catilina
si supplicio capitali affectus esset, futurum fuisse, ut Cicero ipse
invidiâ impediretur, ne animadverteret in ceteros coniuratores.
Eosdem autem ipsos rei publicae inferre damnum maximum. Nullum hostem
externum posse Romam destruere, hostem esse intra moenia: pugnandum
esse contra Catilinariorum flagitia sceleraque immania...
|