|
Haec fabula criminalis.
qua animus legentis corripitur, a Nicolao Groß ex Anglico sermone in Latinum
conversa est.
Argumentum: Prof. Aserus
anthropologus illustris, cuius disciplina specialis est cultus mortuorum
palaeomexicanus, occisus est. Telum autem homicidiale est calvaria humana, qua
Aserus est summâ vi prostratus.
Homicida secretarius
illius hominis docti voluntariê se tradidit astynomis.
Qui iam confessus est se
Aserum interfecisse. At qua de causâ hoc fecit? Quaestione criminali procedente duo astynomi accipiunt, quae
fuerint causae facinoris mysteriales, denique etiam de duobus homicidiis aliis,
quae non commissa sunt a secretario...
Haec versio Latina eo
excellit, quod est prima fabula criminalis moderna Latinê scripta! Necnon
apparet antiqua lingua adhibita sine ullâ difficultate reddi posse horrorem
suspensionemque animi textu originali effectas.
Versio Latina a Nicolao Groß
recitatur pronuntiatione classicâ. Hac in recitatione unâ ex parte respicitur
subtilitas phonetica, alterâ ex parte narrandi tenor rapidus.
"Tela
homicidialia licet sint vehementer varia, sed illud, quod adhibitum est
ad Philippum Aserum
occidendum, spatio plus duorum decenniorum, quibus functus sum officio
astynomico, omnium quae vidi erat telum formidulosissimum. - Quod telum
erat calvaria - calvaria humana. - Eduardus
Craneus egoque oculis emissiciis despectabamus ad eiusdem
reliquias discissas et cruentas iuxta virum mortuum positas. Apparuit
ipsam hanc calvariam post ictum primum aut alterum diffractam esse
tamquam testam ovariam, sed sanê suffecisse ad Aseri calvariam
diffringendam. E vulneris formâ concavâ conclusimus virum
summâ vi prostratum esse..."
Fabula
criminalis, quam qui audit corripiatur formidine, exspectatione
torqueatur.
Ab
Alexandro Saxon scripta, a Nicolao Groß Latinê reddita et
vivâ voce recitata.
Adiunctus
est libellus textualis.
|
